ОХУ-ын Чита хотод олон улсын хүүхдийн спортын XII наадам өчигдөр өндөрлөв. Тус наадмын волейболын волейболын хөвгүүдийн ангилалд Ж.Магнайбаяр дасгалжуулагчтай Монгол Улсын баг тамирчид алтан медаль хүртэв. Тэд аварга болох замдаа ОХУ-ын Буриад улсын багийг 3:0-ээр, Өвөр Байгалийн багийг 3:0-ээр, БНХАУ-ын багийг 3:0-ээр буулган авч алтан медаль хүртсэн байна. Багийн бүрэлдэхүүнд Н.Түвшинбаяр, Э.Гүнчин, Б.Эрболд, Э.Мөнх-Эрдэнэ, Г.Буяндэлгэр, О.Өсөх-Ирээдүй, Э.Санжайсрай, М.Батболд, О.Энхсүлд, А.Мөнхбаяр нар тогложээ.

   Харин охидын ангилалд А.Баярсайхан дасгалжуулагчтай Монгол Улсын  охидын волейболын баг тамирчид мөнгөн медаль хүртлээ. Багийн бүрэлдэхүүнд Б.Болорномин, Ш.Эрхсаран, З.Ариунжаргал, А.Сарангоо, П.Элбэгжаргал, Б.Энхжин, Ц.Хонгорзул, Б.Амирлан, Б.Баярмаа, Б.Мишээлт-Од нар тоглов.