Уг хэргийн шүүх хурлын урьдчилсан хэлэлцүүлэг өнөөдөр Чингэлтэй, Сүхбаатар, Баянзүрх дүүргийн эрүүгийн хэргийн анхан шатны шүүхэд хаалттай зохион байгуулагдсан юм.

     Хохирогч эмэгтэй есөн жилийн өмнө буюу СУИС-ийн хоёрдугаар дамжааны оюутан байхдаа ангийнхаа шинэ жилийн баярын дараа зочид буудалд ангийнхаа долоон эрэгтэйд бүлэглэн хүчирхийлүүлсэн тухайгаа цахим сүлжээнд анх ил болгосон.

     Хохирогч 2020 оноос хойш хуулийн байгууллагад гомдол гаргаж шалгуулсан ч цагдаагийн байгууллагаас "хөөн хэлэлцэх хугацаа дууссан", "хэрэг хуучирсан" гэх үндэслэлээр хэргийг дөрвөн удаа хааж байжээ.

    Өмгөөлөгчдийн зүгээс хэргийг гацаанаас гаргаж, прокуророос шүүхэд шилжүүлээд байсан боловч шүүхийн урьдчилсан хэлэлцүүлгээр хэргийг нэмэлт мөрдөн шалгах ажиллагаа хийлгэх шаардлагатай гэж үзэн прокурорын хяналтад буцаагаад байна.