Цагдаагийн байгууллагад өчигдөр буюу 2026 оны наймдугаар сарын 15-ны 11:30 цагт “Төв аймгийн Баянхангай сумын нутагт гэртээ унтаж байсан хүүхэд алга болсон” гэх дуудлага, мэдээлэл бүртгэгджээ.

   Дуудлага, мэдээллийн дагуу шалгалтын ажиллагаа явуулахад нэг нас зуршаан сартай, эмэгтэй “О”-г гэрт нь унтуулж үлдээгээд аав, ээж нь малдаа явсан байна. Улмаар 30 орчим минутын дараа буцаж ирэхэд хүүхэд гэртээ байгаагүй аж. Цагдаагийн байгууллагаас 11 алба хаагч, дөрвөн тээврийн хэрэгсэлтэйгээр эрэн хайх ажиллагааг шуурхай зохион байгуулж, 15:50 цагт охиныг гэрээс нь гурав орчим км зайд байрлах тогтоол усанд сууж байхад нь олсон бөгөөд охиныг эсэн мэнд ар гэрийнхэнд нь хүлээлгэн өгсөн байна.