Нийслэлд авто замын засвар, шинэчлэлийн ажил үргэлжилж буйтай холбоотойгоор энэ долоо хоногт зарим гудамж, замын хөдөлгөөнийг хэсэгчлэн болон бүрэн хязгаарлахаар болжээ. Иймд жолооч, иргэд зорчих маршрутаа урьдчилан төлөвлөхийг холбогдох байгууллагаас зөвлөж байна. Тодруулбал:

       Сонгинохайрхан дүүргийн 1-р хорооллын арын замыг шинэчлэх, засварлах ажлын хүрээнд өнөө оройн 23:00 цагаас зам хаахыг мэдэгдллээ. Тодруулбал, СХД-ийн 14-р хороо Цамбагаравын уулзвар, 11-р байрнаас 12-р байрны чиглэл дагуу борооны ус зайлуулах шугамын хөндлөн сэтэлгээ хийх үеийн авто замын хөдөлгөөнийг хаахаар болжээ.

• Эхлэх: 2026 оны 08-р сарын 06-ны өдөр 23:00 цагаас
• Дуусах: 2026 оны 08-р сарын 07-ны өдөр 06.00 цагт

Толгойтын авто замаас Ард Аюушийн өргөн чөлөө хүртэлх авто замын ажлын хүрээнд Ард Аюушийн өргөн чөлөөнд өнгө хучилтын ажлыг гүйцэтгэнэ. Хучилтын ажлыг гүйцэтгэхдээ зорчих хэсгийг хэсэгчлэн хаана.

• Эхлэх хугацаа: 2026.08.06-ны 07:00 цагаас
• Дуусах хугацаа: 2026.08.09-ний 00:00 цаг хүртэл

       Туул гол дээрх Зайсангийн баруун талын гүүрний хучилтын засварын ажлыг хийж гүйцэтгэнэ.

Зам засварын хугацаа:

• Эхлэх хугацаа: 2026.08.07-ны 23 цагаас
• Дуусах хугацаа: 2026.08.10-ны 06 цаг хүртэл