Ховд аймгийн Буянт сумаас алга болсон 10 настай охиныг эрэн хайж байна

Ховд аймгийн Буянт сумаас 10 настай охин алга болоод дөрөв хонож байгаа бөгөөд эрэн хайх ажиллагаа үргэлжилж байна.

Эрлийн ажиллагааны хүрээнд сумын нутаг дэвсгэрт самналт зохион байгуулсан ч одоогоор охиныг олоогүй байна. Иймд охин тээврийн хэрэгслээр сумын нутаг дэвсгэрээс гарсан байж болзошгүй гэж үзэж, иргэд болон жолооч нарыг анхааралтай байж, мэдээлэл өгөхийг хүсжээ.

Охин 2026 оны наймдугаар сарын 1-ний өдрийн 08:00 цагийн орчимд гэрээсээ гарсан байна.

Түүний таних тэмдэг:

• Нас: 10

• Шаргалдуу царайтай, дунд зэргийн нуруутай

• Ягаан өнгийн цамц, хар жинсэн өмдтэй

• Ягаан өнгийн тавчик өмссөн

Мөн наймдугаар сарын 1-ний өглөө Ховд аймгийн Буянт сумаас гарсан, дайран өнгөрсөн эсвэл Ховд хотын чиглэлд зорчсон жолооч нарыг автомашиныхаа хяналтын камерын бичлэгийг шалгаж, дээрх таних тэмдэгтэй охин харагдсан эсэхийг нягтлан, холбогдох байгууллагад мэдээлэхийг уриалж байна.

Мэдээлэлтэй иргэд ар гэрийнхний 8804-3430, 9121-0852 дугаар болон Цагдаагийн байгууллагын 102 тусгай дугаарт яаралтай холбогдоно уу.