2026 оны наймдугаар сарын 5-ны өдрийн байдлаар Монгол Улсад АИ-92 автобензиний 11 хоног, АИ-95 автобензиний 13 хоног, дизель түлшний 18 хоног, онгоцны түлшний 10 хоногийн нөөц бүрдээд байна.

   Наймдугаар сарын 1-5-ны өдрүүдэд Монгол Улсад нийт 162 вагон буюу 9720 тонн АИ-92 автобензин импортлон оруулжээ.Мөн Шуурхай штабын шийдвэрийн дагуу Улаанбаатар хотод шатахууны хангамжийн зохицуулалт хэрэгжүүлж эхэлснээр өдөрт шатахуун авсан автомашины тоо 38 мянгаас 115 мянгад хүрч, хүртээмж 2.5 дахин нэмэгдсэн байна.

   Үүний үр дүнд шатахуун түгээх станцууд шинэ татан авалтаа хийх хүртэлх хугацаанд нөөцөө тогтвортой хадгалах боломж бүрдэж, шатахуун авах иргэдийн дараалал, ачаалал мэдэгдэхүйц буурсан байна.