Хичээлийн шинэ жилийн бэлтгэл ажил болон Олон улсын COP17 хурлыг зохион байгуулахтай холбогдуулан наймдугаар сарын 15-наас есдүгээр сарын 12-ныг хүртэл өдөр бүр 07:00-21:00 цагийн хооронд автомашиныг улсын дугаарын тэгш, сондгойгоор ангилан, бүсчлэлгүйгээр замын хөдөлгөөнд оролцуулах зохицуулалтыг хэрэгжүүлэхээр боллоо.

Харин дараах ангиллын тээврийн хэрэгслүүдэд энэхүү зохицуулалт үйлчлэхгүй. Үүнд:

• Цахилгаан хөдөлгүүртэй, ногоон улсын дугаартай тээврийн хэрэгсэл;

• Зөвшөөрөлтэй, хүнсний бүтээгдэхүүн түгээх болон татан авалт хийх зориулалтын тээврийн хэрэгсэл;

• Оршуулгын үйл ажиллагаанд ашиглагдаж буй тээврийн хэрэгсэл;

• Авто зам, хот тохижилт, инженерийн шугам сүлжээний засвар, үйлчилгээний зориулалттай тээврийн хэрэгсэл;

• Дипломат төлөөлөгчийн газар болон гадаадын зочин, төлөөлөгчдөд үйлчлэх тээврийн хэрэгсэл;

• Нийтийн тээврийн хэрэгсэл;

• Стандартын шаардлага хангасан такси үйлчилгээний тээврийн хэрэгсэл;

• Сургууль, цэцэрлэг болон байгууллагын ажилчдын тээврийн хэрэгсэл;

• Таних тэмдэг бүхий хэвлэл мэдээллийн байгууллагын албаны тээврийн хэрэгсэл.