“Оросын Холбооны Улсад болоод буй дайны нөхцөл байдалтай холбоотой сүүлийн саруудад газрын тосны бүтээгдэхүүний нөөц хангамжийн асуудал тодорхой хэмжээнд доголддог. Монгол Улсын Засгийн газраас нөөцийн саваа нэмэгдүүлэх бодлгын асуудлыг эрчимтэй хэрэгжүүлж байгаа. Огцом хэрэглээ нэмэгдэхтэй холбоотой  өнөөдрийн түвшинд 15 хоногийн буюу 31000 тонн А92 төрлийн бүтээгдэхүүн 80000 тонн буюу дизел түлш 20 хоногийн нөөцтэйгөөр ажиллаж байгаа бөгөөд энэ нөөцийг нэмэгдүүлэхтэй холбоотой ажиллаж байгаа. АҮЭБ-ын сайд Г.Дамдинням түлш, шатахууны асуудлаар БНСУ-руу уулзалт хийхээр явсан. Бид тус улсаас онгоцны дизель түлшийг авахаар тохирсон. Мөн БНХАУ-аас 6000 тонн АИ 92, АИ95 төрлийн автобензин авах тохиролцоонд хүрсэн.Мөн наймдугаар сарын эхний 10 хоногт ОХУ-аас татан авалтаа нэмэгдүүлэх хүрээндээ хүсэлт илгээн, нөөц багассан нөхцөл байдлыг бид бүхэн 10 хоногийн хугацаанд нөхөж бүрдүүлэхээр ажиллаж байна” хэмээн мэдээллээ.

АҮЭБЯ-ны Төрийн нарийн бичгийн дарга, "Шатахуун түгээх станцуудын нөхцөл байдлын тухайд аймгийн төвүүдэд түгээлт хэвийн үргэлжилж байгаа бол зарим сумдад шатахуун тасалдаад байна. Нийслэлд "Петровис" ХХК-ийн нөөц багассан бол "Шунхлай", "Тэс Петролиум" ХХК нөөцдөө хязгаарлалт тогтоон шатахуун олгож байгаа. Маргаашаас Петровис, Содмонгол, Тэс, Шунхлай компаниуд дээр нөөц нэмэгдүүлэхээр ажиллаж байгаа учраас түгээлт нэмэгдэнэ" гэдгийг онцоллоо.