Наймдугаар сард урлаг, соёлын олон сонирхолтой арга хэмжээ биднийг хүлээж байна. Тиймээс ирэх сард болох сонгодог урлаг, дуу хөгжим зэрэг үзвэр, тоглолтуудын дэлгэрэнгүй хуваарийг танилцуулж байна.

SEE YOU, ARA /хаалтын тоглолт/

    Нэг сарын турш үргэлжилсэн хөгжмийн тоглолт, урлаг соёлын арга хэмжээ, спортын тэмцээнүүд болон олон төрлийн сонирхолтой хөтөлбөрүүдийн оргил цэг болох “Festival Closing Concert” тоглолт 2026 оны наймдугаар сарын 1-ний өдөр зохион байгуулагдана.
    ARA Festival-ийн хаалтын энэхүү тоглолт нь фестивалийн турш бий болсон дурсамж, сэтгэл догдлол, баяр хөөрийг нэгэн дор нэгтгэсэн онцгой үдэш байх болно. Үзэгчид гайхалтай тайзны шийдэл, гэрэл, дууны цогц шоу болон фестивалийн уур амьсгалыг дахин мэдэрч, зуны хамгийн мартагдашгүй мөчүүдийн нэгийг хамтдаа бүтээх боломжтой.

    “Festival Closing Concert” нь ARA Festival 2026-ын сүр жавхлант төгсгөл болж, нэгэн зуны турш үргэлжилсэн гайхалтай дурсамжуудыг хамтдаа тэмдэглэх онцгой үдэш байх болно.

     Уран бүтээлч: ThunderZ, Gangbay, Vandebo

Энгийн тасалбар– 60,000 төгрөг /Босоо үзэгчийн хэсэгт нэвтрэн тоглолтыг үзэх боломжтой
VIP тасалбар– 80,000 төгрөг /Суудалтай VIP хэсэгт тоглолтыг илүү тав тухтай орчинд үзэх боломжтой/
VVIP-800,000 төгрөг (6 хүний тасалбар бөгөөд ширээ, сандал бүхий тусгай хэсэгт байрлан тоглолт үзэх мөн тусдаа ариун цэврийн өрөө ашиглах боломжтой)

"ШИЛИЙН БОГД" фестиваль

   Сүхбаатар аймгийн Баруун Урт сумд наймдугаар сарын 08-09 нь зохион байгуулагдана. Монголын өнцөг булан бүрээс авто, мото спортын сонирхогчид нэгэн дор цуглана.

Хөтөлбөр:

• 1000+ мотоциклийн сүрт парад
• Mongolian Drift Series – Улсын аваргын III гараа (Үзэгчдэд үнэ төлбөргүй)
• Moto GP Bike – Улсын аваргын III гараа
• Хүүхдийн шоу, мюзикл, гэр бүлийн өдөрлөг
• Амьд хөгжмийн тоглолт, галын үзүүлбэр, хамтлаг дуучдын шоу тоглолт

Тасалбар: 29,900 төгрөг

WOLF TOTEM - THE HU World Premiere

     Арван жилийн турш дэлхийг тойрон аялан тоглож, дэлхийн өнцөг булан бүрт үнэнч фенүүдийн хүрээллийг бүрдүүлсэн арвин туршлагаа THE HU хамтлаг энэ удаа эх орондоо Монголын хөгжмийн түүхэнд өмнө нь болж байгаагүй цар хүрээ, тайзны шийдэл, үзүүлбэр бүхий карьерынхаа хамгийн том тоглолтыг толилуулах гэж байна.

    Энэ жил THE HU хамтлаг гурав дахь студийн цомог “HUN”-аа танилцуулж, дэлхийн шинэ аялан тоглолтоо эхлүүлэхийн зэрэгцээ эх орондоо энэхүү түүхэн тоглолтоо зохион байгуулна.

    WOLF TOTEM бол зөвхөн 10 жилийн ойн тоглолт биш. Энэ бол дэлхийд Монголын нэрийг дуурсгасан хамтлагийн дараагийн арван жилийн эхлэлийг зарлаж, Монголын хөгжмийн түүхэнд шинэ хуудсыг нээх түүхэн үйл явдал байх болно.

“Хархираа дор Хийморь сэргэмүй”

Насны ангилал: Бүх насныханд (16 наснаас доош асран хамгаалагчийн хамт)

Энгийн тасалбар: 99,000₮

Fanzone тасалбар: 199,000₮

Chillzone тасалбар: 169,000₮

Морьтон багц /3 энгийн тасалбар/: 270,000₮

Аравт багц /10 энгийн тасалбар/: 900,000₮

VIP тасалбар: 699,000₮

KHUREE DAGSHAA jazz concert

   Монголын дуу, хөгжмийн үнэт өв болох ардын болон 20-р зууны сэтгэлд шингэсэн дуунууд жазз хөгжимтэй уулзах нэгэн үдшийг хамтдаа өнгөрүүлээрэй.

   Төрийн Соёрхолт Баянмонгол биг бэнд "Хүрээ Дагшаа" жазз тоглолтоо энэ зуны сүүлийн амралтын өдрүүдэд та бүхэнд хүргэх гэж байна.

    Тоглолтын хөтөлбөрт Монгол ардын болон орчин цагийн шилмэл бүтээлүүдийг гадаадын мэргэжлийн хөгжмийн зохиолч, найруулагчдын шинээр найруулсан жазз хувилбараар толилуулна.

Удирдаач: С.Саруул-Од /СТА/
Дуучин: Наагий
Зочин уран бүтээлчид оролцоно.

Байршил: Хар Сувд Garden Bar /Үндэсний Соёл Амралтын Хүрээлэн/
Хэзээ: Наймдугаар сар ын 15, 16, 22, 23  

Цаг: 18:00 цаг

Тасалбар: 40,000 төгрөг

“KHARKHORUM” VISUAL ART & MUSIC FESTIVAL

    Kharkhorum Visual Art & Music Festival нь электроник хөгжим, визуал урлаг, гэрлийн шоу болон дэвшилтэт тайзны технологийг нэгэн цогц орчинд нэгтгэн, үзэгчдэд хөгжим сонсохоос давсан өвөрмөц туршлага, мартагдашгүй дурсамжийг бүтээдэг Монголын тэргүүлэх арт, хөгжмийн фестивал юм.

    2026 онд Kharkhorum фестивал анх удаа Төв цэнгэлдэх хүрээлэнд зохион байгуулагдаж, Монголын хамгийн анхны 360° тайз, 360° дэлгэц бүхий шинэ түвшний фестивалыг үзэгчдэд хүргэх гэж байна.

    Фестивал наймдугаар сарын 22, 23-ны өдрүүдэд хоёр өдөр үргэлжлэх бөгөөд Монгол болон олон улсын нэр хүндтэй артистууд, гайхалтай визуал үзүүлбэрүүд, урлаг ба хөгжмийн хослол бүхий онцгой уур амьсгал таныг хүлээж байна.

Хаана: Төв Цэнгэлдэх Хүрээлэн

Хэзээ: 2026.08.22,23

Зохион байгуулагч: Steppe Amusement LLC

Үргэлжлэх хугацаа: 2 Өдөр

Насны ангилал: 16+

Үзвэрийн төрөл: Фестиваль

2 өдрийн тасалбар: 179,000 төгрөг

 Ai хө, Gen Зээ хө 

    Synth City Concerts-ийн зохион байгуулж буй “Ai хө, Gen Зээ хө” нь реппер Энэрэл-ийн бүрэн хэмжээний бие даасан тоглолт юм.

    Энэрэлийн олон жилийн турш сонсогчдын сэтгэлд хүрсэн хит уран бүтээлүүд, шинэ дуунууд, хүчтэй тайзны үзүүлбэр, өвөрмөц мэдрэмжийг нэгэн орой бүрэн мэдрэх боломж энэ тоглолтоор бүрдэх болно.

    Мөн тоглолтод урилгаар оролцох зочин уран бүтээлчид тайзнаа гарч, Энэрэл хэд хэдэн бүтээлээ амьд хөгжимтэйгээр толилуулах тусгай хөтөлбөртэй.

    Энэ зун дурсамж, хөгжим, эрч хүчээр дүүрэн нэгэн үдшийг хамтдаа бүтээцгээе.

Хэзээ: Наймдугаар сарын 7-нд
Хаана: Нарру Парк /Хүүхдийн Парк/

Энгийн тасалбар: 60,000 төгрөг

Гурван найзын тасалбар: 150,000 төгрөг

Хосын тасалбар: 110,000 төгрөг