Тулгар төрийн 2235, Их Монгол Улс байгуулагдсаны 820, Үндэсний эрх чөлөө, тусгаар тогтнолоо сэргээн мандуулсны 115, Ардын хувьсгалын 105 жил, Ардчилсан хувьсгалын 36 жилийн Үндэсний их баяр наадмын Хүчит 1024 бөхийн барилдаан гурван өдөр үргэлжилж өчигдөр дууссан билээ. 

Хүчит бөхийн барилдааны наймын даваанд Монгол Улсын Дархан аварга Н.Батсуурь тахимаа өгснөөр Ховд аймгийн зэрэг сумын харьяат Улсын заан Б.Бат-Өлзий Монгол Улсын Арслан цолны болзолыг хангасан. 

Дархан аварга Н.Батсуурь өөрийн цахим хуудсандаа "Бүх Монголчууддаа Баяр Наадамын мэнд дэвшүүлье. Хүүтэйгээ олон жил наадах цаг ирлээ. Төр минь түвшин Түмэн олон маань амгалан байх болтугай!

Бат-Өлзий дүүдээ амжилт хүсэе!
Орхонбаяртаа Дархан Аварга болохыг даалгавар болгоё!

Намайг дэмжсэн Бүх ард түмэндээ баярлалаа.
Сайхан наадаарай" хэмээн нийтэлжээ.