Тулгар төрийн 2235, Их Монгол Улс байгуулагдсаны 820, Үндэсний эрх чөлөө, тусгаар тогтнолоо сэргээн мандуулсны 115, Ардын хувьсгалын 105 жил, Ардчилсан хувьсгалын 36 жилийн ой Үндэсний их баяр наадмын Хүчит 1024 бөхийн барилдаан гурван өдөр үргэлжилж, өнөөдөр өндөрлөлөө.

Энэ жилийн  баяр наадамд Сэлэнгэ аймгийн Цагааннуур сумын харьяа Улсын арслан Баярсайханы Орхонбаяр Ховд аймгийн Зэрэг сумын уугуул, Ховд аймгийн Ховд дэвжээний бөх, Улсын заан Баярхүүгийн Батөлзийгөөр арав давж, Монгол Улсын аварга боллоо.