Тулгар төрийн 2235 жил, Их Монгол Улс байгуулагдсаны 820 жил, Үндэсний эрх чөлөө, тусгаар тогтнолоо сэргээн мандуулсны 115 жил, Ардын хувьсгалын 105 жил, Ардчилсан хувьсгалын 36 жил, Багахангай дүүрэг 37 үүсэн байгуулагдсаны ойн баяр наадмын сурын харваанд нийт 176 харваач оролцсон бөгөөд үүнээс 74 эмэгтэй харваач, 102 эрэгтэй харваач цэц мэргэнээ сорьж хараа нь хурц сум нь мэргэн байж сайхан наадамлаж өндөрлөлөө.

   Эрэгтэй харваачидын шилдгүүд

- Дорноговь аймгийн Улаанбадрах сумын харъяат аймгийн тод харваач, спортын мастер Э.Уранжаргал тэргүүн байр эзэлж “ Аймгийн мэргэж харваач” цол

- Говь-Алтай аймгийн Тонхил сумын харъяат аймгийн гоц мэргэн, спортын мастер С.Даваацэрэн дэд байр эзэлж “Аймгийн гарамгай” цол

-Дундговь аймгийн Эрдэнэ-далай сумын уугуул спортын мастер О.Баясгалан гутгаар байр эзэлж “Аймгийн гоц” харваач цол

- Говь-Алтай аймгийн Төгрөг сумын харъяат “Аймгийн гоц мэргэн” спортын мастер Б.Дугар дөрөвдүгээр байр

-Сүхбаатар аймгийн Сүхбаатар сумын харъяат сумын мэргэн харваач Г.Гансүх тавдугаар байр эзэлж “ Аймгийн тод харваач” цолоор тус тус шагнагдсан байна.

   Эмэгтэй харваачдын шилдгүүд

-Сүхбаатар аймгийн харъяат залуу харваач Б.Отгонсүрэн тэргүүн байр эзэлж “Аймгийн мэргэн харваач” цол

-Өмнөговь аймгийн Ханбогд сумын харъяат  “Аймгийн гоц харваач” спортын мастер Д.Оюун дэд байр эзэлж “Аймгийн гарамгай харваач” цол

-Сүхбаатар аймгийн Мөнххаан сумын харъяат Аймгийн гарамгай харваач М.Пүрэвсүрэн гутгаар байр

-Хөвсгөл аймгийн Жаргалан сумын харъяат Аймгийн гарамгай спортын мастер П.Сумъяасүрэн дөрөвдүгээр байр

-Говь-Алтай аймгийн Төгрөг сумын харъяат спортын мастер Б.Отгонжаргал тавдугаар байр эзэлж “ Аймгийн тод харваач” цолоор тус тус шагнал хүртэв.