ЭРЧИМ ХҮЧНИЙ САЛБАРЫН МЭДЭЭЛЛИЙГ ИРГЭН БҮРТ НЭЭЛТТЭЙ БОЛГОВ

2026-06-25, 32

Монгол Улсын Засгийн газраас дэвшүүлсэн “Чөлөөлье” аяны хүрээнд эрчим хүчний салбарын мэдлэг, мэдээллийг олон нийтэд нээлттэй, хүртээмжтэй хүргэх ажлын нэг хэсэг болгон Эрчим хүчний салбарын нээлттэй мэдээллийн дашбоард системийг хөгжүүлж, олон нийтэд танилцууллаа.

Монгол Улсын эрчим хүчний систем яг одоо хэдэн МВт ачаалалтай ажиллаж байгаа, цахилгааны хэрэглээ ямар байгаа, ямар төслүүд хэрэгжүүлж байгаа зэрэг мэдээллийг хэн бүхэн нэг дороос, бодит цаг хугацаанд харах боломжийг Эрчим хүчний яамнаас бүрдүүлжээ.

Энэхүү системээс:

-Цахилгаан эрчим хүчний үйлдвэрлэл, хэрэглээний бодит цагийн мэдээлэл

-Эрчим хүчний салбарт хэрэгжүүлж буй төсөл, хөтөлбөрүүд

-Гадаадын зээл, тусламж болон хөрөнгө оруулалтын мэдээлэл

-Салбарын статистик үзүүлэлтүүдийг ойлгомжтой график, дүрслэлээр авах боломжтой.

Мэдээлэл нээлттэй байх тусам иргэдийн оролцоо нэмэгдэж, шийдвэр гаргалт илүү үр дүнтэй болдог. Эрчим хүчний салбарын ил тод байдлыг нэмэгдүүлэх энэхүү системийг цаашид улам хөгжүүлж, олон нийтэд хэрэгцээтэй мэдээллийг тогтмол хүргэх аж.

Салбарын талаарх мэдээллийг https://dashboard.energy.mn/ хаягаас авах боломжтой юм байна.

ЭРЧИМ ХҮЧНИЙ САЛБАРЫН МЭДЭЭЛЛИЙГ ИРГЭН БҮРТ НЭЭЛТТЭЙ БОЛГОВ

АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ergelt.mn хариуцлага хүлээхгүй.

Нийт сэтгэгдэл: 0

Шинэ мэдээ

Нийтлэлчид