“Тавантолгой” ХК-ийн Байгаль орчны албаны мэргэжилтнүүд Оюу толгой ХХК-ийн үйл ажиллагаатай танилцаж, байгаль орчны менежментийн чиглэлээр хэрэгжүүлж буй арга туршлагатай танилцаж, мэдээлэл солилцох уулзалтыг зохион байгууллаа.
Тус үйл ажиллагаанд компанийн үндсэн 9 ажилтан болон хөрс хуулалтын гэрээт компаниудын 6 ажилтан оролцож мод үржүүлгийн аж ахуй, хог хаягдлын менежментийн талбай, аюултай хог хаягдлын түр хадгалах байгууламж, бохирдсон хөрс саармагжуулах талбай, хоолны үлдэгдлийг бордоо болгон ашиглах технологи, нөхөн сэргээлтийн ажлуудтай газар дээр нь танилцаж, бодит туршлагыг судаллаа.
Энэхүү арга хэмжээ нь байгаль орчны менежментийг сайжруулах, дэвшилтэт технологи, арга туршлагыг нэвтрүүлэхэд чухал ач холбогдолтой ажил боллоо.