Төв аймгийн Мөнгөнморьт сумын нутаг Харзтайн ам гэх газар малын сууринд үүрэг гүйцэтгэж байсан байлдагч өөрийгөө боомилж нас барсан гэх харамсалтай хэрэг гарсан. Хэргийн талаар ХХЕГ-ын хэлтсийн дарга, хурандаа А.Ууганбилэг мэдээлэл өглөө. Тэрбээр “энэ сарын 22-нд хугацаат цэргийн алба хаагч боомилж, амиа алдсан харамсалтай хэрэг гарсан. Уг хэргийн талаар харьяалалын дагуу Төв аймгийн хууль хяналтын байгууллагад мэдэгдэж, шуурхай ажиллагааны бүлэг хэргийн газар ажиллаж, шалтгаан нөхцлийг тодруулах зорилгоор ажилласан. Мөн Хил хамгаалах Ерөнхий газраас томилогдсон шалгалтын бүлэг малын суурин газар ажилласан. Шалгалтын явцад тухайн хэрэг явдалтай холбоотойгоор ямар нэгэн албанаас шалтгаалах асуудал тогтоогдоогүй. Уг хэргийн талаар мөрдөн шалгах ажиллагааг үргэлжлүүлэн явуулж байгаа учир манай байгууллагад эцсийн дүгнэлт, мэдээлэл ирээгүй байна” гэв.