Шадар сайд Н.Номтойбаяр цаг үеийн асуудлаар мэдээлэл өглөө. Тэрбээр “Иргэдийн санал, шүүмжлэлийг сонсох өдөрлөг Сүхбаатарын талбай дээр болж байна. Өнөөдөр би гурван чиглэлээр товчхон мэдээлэл өгмөөр байна. Нэгдүгээрт, байгалийн давагдашгүй хүчин зүйл гэж байдаг. Үүнд, газар хөдлөлт, ой хээрийн түймэр, үер гоц халдварт өвчин гэх мэтчилэн байгалийн болон хүний хариуцлагагүй үйлдлээс болж гамшгийн асуудал үүсдэг. Улсын Онцгой комиссын даргын хувьд миний бие хариуцлага хүлээж ажиллаж байгаа. Хоёрдугаар, стандарын талаарх ойлголт, стандарыг шинэчлэн тогтоох ажлыг ойрын хугацаанд хийнэ. Холбогдох хууль нь УИХ-аар орно. Үүнд иргэдийн үүрэг оролцоо маш чухал. Гуравдугаарт, бүсчилсэн хөгжил бол нийгэм, эдийн засгийн цогц бодлого. Суурь нь бол хөдөө аж ахуй, газар нутгийн онцлогоос хамаарсан аялал жуулчлал, уул уурхай гээд хүнд, хөнгөн аж үйлдвэрийн цогц бодлогын хэрэгжилтийг удирдлагын хувьд хангаж ажиллана. Хөгжлийн тэнцвэрт байдал алдагдсныг хангах нь чухал байгаа. Улаанбаатарын гэр хороололын бүс рүү эдийн засгийн баримжаатай арга хэмжээний цогц хөтөлбөрийг манай харьяа агентлагууд боловсруулж байгаа” гэв.