УИХ-ын хаврын ээлжит чуулган өнөөдөр эхлэлээ. Энэ үеэр Хууль зүй, дотоод хэргийн сайд Б.Энхбаяр мэдээлэл өглөө.

Тэрбээр “Монгол Улсын Ерөнхий сайд асан Л.Оюун-Эрдэнийн нэвтрүүлгийг үзсэн. Би маргааш нь Завхан аймагт иргэдтэй уулзах уулзалттай, долоон сумаар ажиллах ажилтай явж байгаад өчигдөр орой ирсэн. Ерөнхий сайд 500 мянган  ам.доллар гэж ярьчхаад хэдхэн хормын дараа 1.5 сая ам.долларын хахууль авсан гэж ярьсан. Энэ бол ор үндэслэлгүй гүтгэлэг. Ерөөсөө ийм юм болоогүй, ийм мөнгө байхгүй. Энэ одоо ямар санаа зорилгоор өөрөө худлаа гэдгийг нь мэдсээр байж ийм юм гүтгэдэг ярив гэдэг дээр дүгнэлт хийж байгаа. Энэ хүн орох байх газаргүй болсон. Өөрийнх нь холбогдсон олон асуудал тодорхой болж байна. Сэтгэл зүйн хувьд гэмтэлтэй байна гэж үзэж байгаа. Би энэ хүний үгэнд итгэхээ больсон. Цуг сууж байгаад юм ярихаар худлаа яриад байдаг. Дотор нь 2, 3 хүн байх шиг байна. Өөртэйгөө зөрчилддөг” гэв.