Засгийн газрын хуралдаанаас гарсан зарим шийдвэрийг танилцууллаа. Энэ үеэр Боловсролын сайд П.Наранбаяр мэдээлэл өглөө.

Тэрбээр “Цахим орчин, нийгмийн сүлжээнд хүүхдийн оролцоог зохицуулах хуулийн төслөө Засгийн газарт өнөөдөр танилцууллаа. Нийгмийн сүлжээнд хүүхдийн оролцоог зохицуулах тухай хуулийн төсөл. Дэлхийн чиг хандлага нийгмийн сүлжээнд оролцож байгаа хүүхдийн насны хязгаар тавих, хязгаарлах чиг рүү явж байгаа. Интернэт хэрэглэгчдийн гурван хүн тутмын нэг нь 18-аас доош насны хүүхэд байна. Монгол Улсын эрх зүйн хувьд Эрүүгийн хууль, Хүний хувийн мэдээлэл хамгаалах тухай хууль, Хүүхэд хамгааллын тухай хуульд хүүхдийн эрхийн хамгаалах тухай тодорхой заалт орсон байдаг. Гэхдээ энэ нь тухайн хүүхдийг 16 нас хүртэл нь насны хязгаартайгаар цахим сүлжээнд орох эрхийг нь хязгаарласан хууль байхгүй. 1129 хүүхэд дээр судалгаа хийхэд нийгмийн сүлжээнд өнгөрүүлдэг цаг нь дунджаар дөрвөн цаг, дөрөв болон түүнээс дээш цаг оролддог хүүхэд нь бараг 80 хувь. Эцэг эхийн хяналт сул, буруу зүйлд уруу татсан мэдээлэлтэй тааралддаг, нийгмийн сүлжээнд ялгаварлан гадуурхалд өртдөг гэсэн судалгаа байна. Эцэг эхчүүд хүүхдийнхээ цахим хэрэглээнд хяналт тавих нь сул байдаг байна. Мөн тэдний цахим сүлжээний тохиргооны мэдлэг  дутмаг байгаа гэсэн судалгаа гарсан. Насны хязгаартай нийгмийн сүлжээ түүний үйлчилгээ эрхлэгчийн эрх, үүргийн тухай мэдээлэл өгье. Энэ үйлчилгээний үндсэн зорилго нь хоёр ба түүнээс олон хэрэглэгч хоорондоо цахим орчинд нийгмийн харилцааг үүсгэх боломжтой. Хэрэглэгчийн насыг баталгаажуулах технологийг ашиглана. Үүнийг баталгаажуулсны дараа хувь хүний мэдээллийг даруй устгана, цааш дамжуулахгүй. Бид хуулийн төслийг дөрвөн яаманд танилцуулж батлуулсны эцэст сая Засгийн газарт танилцууллаа. Засгийн газраас хуулийн төслийг УИХ-д танилцуулах бэлтгэл ажлаа хангахыг үүрэг болголоо. Хүүхдийн аюулгүй байдлыг хангах 30 гаруй хууль, журам, дүрэм гарсан байдаг. Эдгээрийг нэгдмэл загварт оруулж, хэрэгжүүлэхгүй бол ноцтой нөхцөлд орсон байна. Бидэнд бодлого байхгүй биш байгаа, хэрэгжүүлэх тогтолцоо байхгүйд асуудал байна.  Бид сургуулийн соёлыг бүрдүүлэхэд нь анхаарах хэрэгтэй. Өөрөөр хэлбэл зөвийн ноёллыг тогтоож хэн нэгнийг дээрэлхэж байгаа хүүхдийг нийтээрээ буруутгадаг байх нь ёстой. Хэрэв 14 дээш насны өөрөө хариуцлага хүлээх чадвартай бол хариуцлагыг нь хүлээлгэх хэрэгтэй. Сурагчид нэгнээ зодсон хэргийг цагдаагийн байгууллагаас шалгаж шийдэх байх ёстой. Дээрэлхэлт үүссэн сургуулиуд ямар арга хэмжээ авч байгаа тал дээр анхаарч, арга хэмжээ авна. Ер нь бол сургуулийн зөв соёл бүрдэж, сургуулийн зөв соёлыг багш нар нь ойлгож, хэрэгжүүлж эхэлсэн үед дээрэлхэлт эрс байхгүй болно” гэлээ.