Эрчим хүчний сайд Б.Чойжилсүрэн мэдээлэл өглөө

Тэрбээр “Гурван жил хийгээгүй ажлыг 30 хоногт хийх шиг худлаа зүйл байхгүй. Засгийн газар тогтоолын төсөл санаачилсан, холбогдох сайд нарт танилцуулсан. Одоо эрчим хүчний салбар өөрийн хүчээр үүссэн нөхцөл байдлаас гарч чадахгүй. Засгийн газар, УИХ-аас дэмжлэг авах юм бол шийдэж чадна гэсэн байр суурьтай байгаа. Би өнөөдөр ч ажлаа өгөхөд бэлэн байна. Анхнаасаа сайдын суудалтай зууралдахгүй гэдгээ илэрхийлсэн. 2025-2026 оны өвлийн оргил ачаалал дуусаагүй байгаа. Энэ талын асуудал дээр анхаарч ажиллаж байгаа. Салбарын санхүү эдийн засгийн байдал хүндэлсэн. Магадгүй Засгийн газар дэмжиж, төсвийн тодотгол хийвэл энэ асуудал шийдэгдэнэ гэж бодож байгаа. Би Шижир гишүүнтэй уулзаагүй, сөрөг хүчин цахилгаан хязгаарласан, иргэд бухимдалтай үеийг ашиглах нь зөв, би тэднийг буруутгахгүй” гэв.