Монгол Улсад үйл ажиллагаа явуулж буй нийт арилжааны банкнууд 2025.04.01-ний өдрөөс эхлэн олон улсын стандартын дагуу дансны нэгдсэн дугаарлалт буюу IBAN (International Bank Account Number) стандартад шилжиж буй билээ. Монголбанкнаас гаргасан энэхүү шийдвэрийн дагуу Голомт банк өөрийн данс дугаарлалтыг IBAN стандарт руу бүрэн гүйцэт амжилттай шилжүүллээ.

IBAN дугаар нь кодлогдсон аюулгүй байдлын түвшинтэй бөгөөд Голомт банкны харилцагчид тус дугаарыг гүйлгээнд ашигладаг болсноор:

• Гадаад төлбөр тооцоог илүү хурдтай хийж гүйцэтгэх боломжтой.
• Гүйлгээний мэдээлэл зөрж, алдаатай гүйлгээ хийхээс найдвартай хамгаална.
• Төлбөр цуцлагдах, буцаагдах улмаар гадаад төлбөр тооцоонд эрсдэл учрахаас урьдчилан сэргийлнэ.

Голомт банкны харилцагчид одоогийн байдлаар энгийн дансны дугаар болон IBAN дансны дугаар аль алиныг нь ашиглан гүйлгээ хийх боломжтой бөгөөд Интернэт банкны “Харилцах данс-Данс” хэсгээс эсвэл Smart bank аппликэйшний “Данс-Дансны дэлгэрэнгүй” дээр дарж өөрийн IBAN дугаарыг хараарай.

IBAN дансны дугаартай холбоотой лавлах зүйл болон дэлгэрэнгүй мэдээллийг Харилцагчийн үйлчилгээний төвийн 1800-1646 дугаараас авна уу.