“Биологийн олон янз байдлын олон улсын өдөр”-ийг тохиолдуулан  "Монголын говийн биологийн олон янз байдал форум"-ийг зохион байгуулсан билээ. Энэ үеэр ХААИС-ийн багш, Монголын ан агнуурын холбооны гүйцэтгэх захирал Э.Магсаржав мэдээлэл өглөө.

Тэрбээр “Говийн бүсийн биологийн олон янз байдлын форумыг байгаль орчин уур амьсгалын өөрчлөлтийн яам, Өмнөговь аймгийн Засаг даргын тамгын газартай хамтран зохион байгуулж байна. Хүн төрөлхтний оршихуйн үндэс болсон биологийн олон янз байдлыг хэрхэн цаашдаа өвлүүлэх талаар ач холбогдолтой яриа болж байна. Манай Монгол орны хувьд байгалийн олон бүслүүртэй биологийн төрөл зүйлүүдийн хувьд арвин мөн унаган индемик зүйлүүд их байдаг нь энэ өдрийн ач холбогдлыг илэрхийлж байна Говь нутаг гэх бидний мэдэх мазаалай, хавтгай тэмээ, хар сүүлт хулан гээд олон зүйлийн амьтад мөн олон зүйлийн хөхтөн амьтадын орон гэр нь болсон газрыг хэрхэн бүрэн бүтэн байлгах вэ гэдэг хэлэлцүүлгийн гол суурь. Мэдээж тухайн амьтад амьдрах орчин, газар нутагтай байх ёстой. Тиймээс тухайн амьтдын амьдрах орчныг бүтэн үлдээх гол сэдвээ болгон ярьж байгаа мөн үүний зэрэгцээ биологийн олон янз байдал дотор хүний сонирхлыг татаад байгаа зарим амьтны нөөцийг хэрхэн тогтвортой үр өгөөжтэй нөөцийг  нөхөн сэргээх талаар ярилаа. Үүн дээр гол онцлог нь сүүлийн жилүүдэд Монгол орны биологийн олон янз байдал буурч байгааг зарим тайланд дурдсан байдаг. Дэлхийн нийтээр сүүлийн 60 гаруй жилийн хугацаанд 73 хувиар амьтны нөөц буурсан гэх тоо баримт бий. Тэгэхээр уур амьсгалын өөрчлөлт, янз бүрийн хүчин зүйл хүний хөгжлийн нөлөөнд өртөж байгаа амьтан ургамлыг хамгаалах биологийн олон янз байдал дээр анхаарал хандуулах цаг үеийн шаардлага дэлхий нийтээр нүүрлээд байгаа юм. Бид бүхэн ч мөн биологийн олон янз байдлыг хамгаалах, амьтдыг нөхөн сэргээх тэрний сайн туршлагын талаар ярилаа. Биологийн олон янз байдал дундаа хүний ашиглалтад өртөөд байгаа зүйл амьтдыг нөхөн сэргээх, хамгаалах энэ бодлого төрийн хэмжээнд тусах ёстой. Төрийн хэмжээнд хууль эрх зүйд гарах ёстой. Бид нарын хууль эрхзүйн асуудал тодорхой хэмжээнд асуудалтай байгаа гэж харж байгаа. Байгалийн нөөцийг хамгаалах эрх зүйн орчныг илүү сайжруулах нутгийн иргэдийн оролцоог тогтвортой бий болгох, мөн санхүүжилтийн асуудлыг шийдэх чухал саналууд гарч байгаа. Хүн төрөлхтөн ганцаараа энэ дэлхий дээр оршоогүй маш олон зүйлийн төрөл зүйлтэй цугтаа оршиж байгаа. Тэр зүйлүүдийн тогтвортой байдлыг оюун ухаант хүн анхаарахгүй бол энэ нөөц баялаг чинь дорхноо устаж үгүй болох эмзэг асуудал бий. Бид бүхний мэдэх мазаалайг 50 толгой л гэж байгаа, энэ бол харамсалтай тоо. Үүний тоо толгойг яаж нэмэгдүүлэх вэ, амьтдын амьдрах орчныг бүтэн байлгах, дархан хамгаалалттай газар нутгийн мөн чанарыг илүү олон нийтэд таниулах зүйл байна. Жишээ нь говийн бүсэд Наран Сэвстэйн боомт гэдэг асуудал байна. Энэ боомт нээгдсэнээр хүн амьтдын шилжих хөдөлгөөн , тархац нутгийг боох асуудлууд гарж ирсэн” гэв.