“Биологийн олон янз байдлын олон улсын өдөр”-ийг тохиолдуулан  "Монголын говийн биологийн олон янз байдал форум"-ийг зохион байгуулсан билээ. Энэ үеэр “Монголын ан агнуурын холбоо” ТББ-ын тэргүүн Р.Самъяа мэдээлэл өглөө.

Тэрбээр “Жил бүрийн тавдугаар сарын 22-нд Биологийн олон янз байдлын өдөр хэмээн тэмдэглэдэг. Үүнийг тохиолдуулан Байгаль орчин, уур амьсгал өөрчлөлтийн яам Өмнөговь аймгийн байгаль орчны газартай хамтарч Монголын говийн хөрсний биологийн олон янз байдлын талаар форум зохион байгуулж байна.

Энэ арга хэмжээнд би “Биологийн олон янз байдлын үнэ цэн” сэдвээр илтгэл тавьсан. Ер нь өнөөдөр хүн төрөлхтнийг зовоож байгаа асуудлын нэг бол биологийн олон янз байдлын хомсдол байгаа юм. Нөгөө нэг нь бол уур амьсгалын өөрчлөлт гуравдугаарт бол тогтвортой хөгжлийн асуудал. Хүн төрөлхтний ирээдүй юунаас хамаарах вэ гэвэл байгаль орчноос хамааралтай. Уур амьсгалын өөрчлөлт зангилаа асуудал мөн үү гэвэл мөн. Уур амьсгалын өөрчлөлтийг хүмүүс байнга мэдэрдэг яаж гэвэл халууцдаг даардаг. Энэ нь юу болж байгаа вэ гэдгийг хүмүүс мэдэрдэг. Биологийн олон янз байдал нь яадаг вэ гэхлээр хүн байгалиас бүх юмаа авч байгаа . Цэвэр агаар, цэнгэг ус. Энийг бий болгож байгаа зүйл гэвэл эрүүл саруул байгаль орчин буюу Эко систем. Эко систем хэвийн байж гэмээн бид тэндээс олон янзын үр шимийг хүртэнэ. Бидний хэрэглэдэг хоол хүнс, эмийн ургамал, түүхий эд, хувцас хунар , байшин барилга бүхнээ бид байгалиас авч байгаа.

Байгал орчны хэвийн үйл ажиллагаа явагдаж байж бид өөрсдийн хэрэгцээг хангахаас гадна хүн төрөлхтөн эрүүл саруул амьдрах энэ нөхцөлийг хангаж байгаа юм. Энэ асуудал хүний амьдралаас хол юм шиг санагдаад эсвэл угаасаа төрхөөсөө эхлээд байгаль орчны сайхан юмыг мөнхөд байх юм шиг ойлгодог учраас байгаль орчны асуудал харьцангуй олны анхаарлаас хол байгаагийн үр дүнд сүүлийн 30 жилд биологийн олон янз байдлын конвенц гарснаас хойш олон амжилт гарсан боловч хүссэн хэмжээнд хүрээгүй байгаа. Учир гэвэл хүн болгон байгалийг ярьдаг боловч эцсийн дүндээ хүн төрөлхтний ирээдүйд ямар хэрэгтэйг ухамсарлаж ойлгохгүй байгаад юм. Өнөөдрийн арга хэмжээ тодорхой хэмжээнд хүмүүст ялангуяа энэ чиглэлээр ажилладаг хүн, байгуулга, ААН-д мэдээлэл хүргэж, туршлага солилцож , ахиц дэвшил гаргаж байгаа гэдэгт итгэлтэй байна” гэв.