"Зуны зугаа" тоглолтын үеэр өсвөр насны хүүхдүүд нэгнийхээ биед халдсан талаарх мэдээлэл гарсан.

               Тэгвэл энэ талаар ЦЕГ-аас мэдээлэл хийлээ. Тус газраас "Бид "Зуны зугаа" тоглолтын үеэр ажилласан байгууллагуудад албан шаардлага хүргүүлж ажилласан. Тоглолтын үйл ажиллагаа, гэмт үйлдлээс урьдчилан сэргийлэх чиглэлээр цагдаагийн байгууллагын бусад төрөл, мэргэжлийн албадаас, харьяа дүүргийн цагдаагийн газраас нийт 140 албан хаагч хяналт тавьж ажилласан. Энэ үеэр 10 хутга, зодооны хоёр хэрэгсэл хураан авч, гээгдсэн 18 эд зүйлийг хүлээлгэж өгсөн. Мөн төөрсөн, насанд хүрээгүй мөртлөө архи согтууруулах ундааны зүйл хэрэглэсэн 22 хүүхдийг ар гэрийнхэнд нь хүлээлгэж өгсөн. Мөн тухайн тоглолтын үеэр бие, эрүүл мэндэд хохирол учруулсан гурван иргэнд шалгалтын ажиллагаа явуулж байна. Баян-Өлгий аймгийн Өлгий сумын нутагт болсон харамсалтай ослыг шалгаж байгаа. Шалгалтын явцаар нарийн тодорхой мэдээлэл гарах байх. Ослын үеэр гэмтсэн хүүхдүүд эмнэлгийн тусламж гарсан. Одоогоор биеийн байдал гайгүй байгаа" гэв.