Өмнөд Солонгосын Сөүл хотын Төв дүүргийн шүүхээс "NewJeans" хамтлаг болон тэдний менежментийн компани болох ADOR хоорондын маргаантай холбоотой шийдвэрийг энэ сарын 30-нд гаргалаа. Шүүхийн шийдвэрт тус хамтлагийн гишүүд ADOR-ын зөвшөөрөлгүйгээр бие даасан уран бүтээлийн болон сурталчилгааны үйл ажиллагаа явуулах эрхгүй хэмээн дүгнэжээ. Шүүхийн дүгнэлтээр, хэрэв "NewJeans"-ийн гишүүд уг шийдвэрийг зөрчиж, тусгаар уран бүтээл хийвэл тэд тус бүр 1 тэрбум вон (ойролцоогоор 730,000 ам.доллар)-ы нөхөн төлбөрийг ADOR компанид төлөх ёстой гэж заасан байна. Тус шийдвэр нь "NewJeans" хамтлагийн гишүүдийг ADOR-ийн зохион байгуулалтгүйгээр үйл ажиллагаа явуулахыг түр хориглох зорилготой бөгөөд гэрээний хүчин төгөлдөр байдлыг шүүхийн эцсийн шийдвэр хүртэл хадгалахаар болсон. Харин "NewJeans"-ийн гишүүд уг шийдвэртэй санал нийлэхгүй байгаа бөгөөд давж заалдах хүсэлтээ илэрхийлээд байна.. Цаашид шүүхийн шат дараалсан шийдвэрүүдээс шалтгаалан хамтлагийн үйл ажиллагаа хэрхэн өрнөх нь олон нийтийн анхаарлыг татаж байна.