BLACKPINK хамтлагийн гишүүн Лиса соло уран бүтээлийнхээ нэг жилийн замналыг өгүүлэх баримтат кино тун удахгүй олон нийтэд хүрэхээр болжээ. Тус кинонд Лисагийн уран бүтээлийн бие даасан эхлэл, өөрийгөө шинээр нээж, хөгжмийн замналд гаргасан шийдвэрүүд, хувь хүний өсөлт зэргийг бодитоор харуулах бөгөөд шүтэн бишрэгчдийнх нь мэдэхгүй олон талыг гаргах аж. Баримтат киноны найруулагчаар Америкийн найруулагч Лана Уилсон ажиллаж байна. Тэрбээр поп дуучин Тейлор Свифтийн “Miss Americana” нэртэй баримтат киног найруулж байсан туршлагатай. Лиса өөрийн шинэ бүтээлийн талаар “Энэ бол миний уран бүтээлчийнхээ хувьд өөрийгөө дахин тодорхойлсон аялал байлаа. Үзэгчдэд зүрх сэтгэлээ нээх боломж надад олдсонд баяртай байна” хэмээн мэдэгджээ. Баримтат киноны трейлер болон нээлтийн товыг ойрын хугацаанд албан ёсоор зарлах төлөвтэй байгаа бөгөөд дэлхийн олон стриминг платформоор зэрэг цацагдана.