Халдварт өвчин судлалын үндэсний төвөөс улаан бурхан өвчний нөхцөл байдлын талаар мэдээлэл хийлээ. Улаан бурхан өвчний дэгдэлт өдрөөс өдөрт нэмэгдэж, ХӨСҮТ ачааллаа даахгүй хэмжээнд хүрээд байна. Өнөөдрийн байдлаар улаан бурхан өвчний лабораториор батлагдсан 3939, эмнэлэгт хэвтэн эмчлүүлж байгаа 529, гэрээр 729, эдгэрсэн 2679, хавьтал 44 774, нас баралт хоёр байна. Улаан бурхан өвчин нь халдварлалт өндөртэй ч вакцинаар сэргийлэгдэх боломжтой халдварт өвчин. Өвчний тохиолдлууд ихэвчлэн ерөнхий боловсролын сургуульд голомтлон гарч байгаатай. Хамт сурдаг, ажиллаж байгаа хүүхэд, иргэд халдвараас сэргийлэх үүднээс улаан бурхны эсрэг вакцинд хамрагдан өөрийгөө болон бусдыг улаан бурхан өвчнөөс хамгаалах боломжтойг ХӨСҮТ-өөс анхааруулж байна. Хүүхдэд ес нь сартай, хоёр настайд улаан бурхан өвчнөөс сэргийлэх вакциныг хоёр удаа хийдэг. Вакциныг хугацаанд нь тариулаагүй бол өөрт ойр байрлах өрх, сумын эмнэлэг, дүүргийн эрүүл мэндийн төвд хандан, харьяа өрх сумын эрүүл мэндийн төвдөө хандан улаан бурхан улаануудын эсрэг вакцинд хамрагдаж болно.