Энэ жил Чингисийн чулуун бичгийг босгосны 800 жилийн ой тохиож байна.   Одоогоор олдож буй монгол бичгийн хамгийн анхны дурсгал билээ. 1225 онд бичигдсэн “Чингисийн чулуун бичиг” гэдгийг судлаачид нотолсон юм.  Монголчууд Хорез улсыг байлдан дагуулсан аян дайнаас буцах замдаа ноёдын хуралдай болон найр хурим зохион байгуулсан байдаг. Энэ үед Чингис хааны дүү Хасарын хөвгүүн Есүнгэ гэгч мэргэн харваач 335 алд газарт бай харван оноосноор, түүнд зориулан эл хөшөөг босгосон нь хожмоо “Чингисийн чулууны бичиг” хэмээн алдаршжээ.

     Тэгвэл өнөөдөр “Чингисийн чулуун бичиг”-ийг босгосны 800 жилийн ойд зоруулсан эрдэм шинжилгээний хурал Бээжин хотод эхэллээ. Тус хурлыг Хятадын Монгол хэл бичгийн нийгэмлэг, Өвөр Монголын их сургуулийн Монгол судлалын дээд сургууль хамтран зохион байгуулж байна. Уг хуралд Хятадын их дээд сургуулийн эрдэмтэн судлаачид болон Монгол Улсын МУИС-ийн эрдэмтнийг багтаасан хориод судлаач оролцож сурвалж бичгийн судалгааны хүрээнд итгэл тавьж,хэлэлцүүлэг өрнүүлж байна.

   Эх сурвалж Өвөр Монголын “Анд” студи.