• Өнөөдөр 2025-05-22

Н.УЧРАЛ: Л.Оюун-Эрдэнийн Засгийн газар одоо ч ажлаа хийж байна

2025-05-22,   216

Үүсээд буй нөхцөл байдалтай холбоотойгоор УИХ-ын гишүүн Засгийн газрын Хэрэг эрхлэх газрын дарга Н.Учрал үг хэллээ.

Тэрбээр “Энэ цаг мөчид Монгол Улсын Ерөнхий сайд Л.Оюун-Эрдэнэ ажлаа хийж байна. Би Засгийн газрын Хэрэг эрхлэх газрын дарга. Төрийн ажлын тасралтгүй явах зарчмыг баримтлаад явж байна. Өнөөдөр Засгийн газраас өргөн мэдүүлсэн зөвшөөрлийн хууль, цахим мөрийтэй тоглоомыг хориглох асуудлын анхны хэлэлцүүлгийг хийхэд Засгийн газрын гишүүн, хууль санаачлагчийн хувиар оролцлоо. Би хоёр өдрийн Франц Монголын Засгийн газар хоорондын комиссын хурлыг хийсэн. Энэ үеэрээ олон улсын шинжилгээний лаборатори байгуулах асуудлыг шийдвэрлүүлсэн. Өчигдөр Бага хуралдаа суусан. МАН-ын бага хурал улс төрийн шийдвэр гаргасан, ийм л мэдээлэлтэй байна. Одоо бол Хэрэг эрхлэх газрын даргын хувиар, Л.Оюун-Эрдэнийн Засгийн газрын гишүүний хувиар болоод байгаа үйл явдал дээр ямар нэгэн хувь хүний байр суурь, дүгнэлт хийх нь ёс зүйн хувьд зохимжгүй. МАН-ын бага хурал тодорхой улс төрийн шийдвэр гаргадаг. Би Бага хурлын олонхоороо шийдсэн шийдвэр дээр ямар нэгэн дүгнэлт хийгээд байх зохимжгүй.  Л.Оюун-Эрдэнийн Засгийн газар өнөөдөр ажлаа хийж байна. Одоохондоо ямар нэгэн ажил албаны яриа хэлцэл хийгдсэн зүйл байхгүй” гэв.

 


Н.УЧРАЛ: Л.Оюун-Эрдэнийн Засгийн газар одоо ч ажлаа хийж байна
АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ergelt.mn хариуцлага хүлээхгүй.

Нийт сэтгэгдэл: 0
Шинэ мэдээ
Нийтлэлчид
Монгол Улс, Улаанбаатар хот, Сүхбаатар дүүрэг, VIII хороо, "Ардын эрх"-ийн байр, Гуравдугаар давхарт Эргэлт.мн редакц
7509-1188
[email protected]
2025 © Зохиогчийн эрх хуулиар хамгаалагдсан. Мэдээлэл хуулбарлах хориотой.