• Өнөөдөр 2025-05-20

Жүжигчин Ким Жэ Вон “Yumi’s Cells” цувралын гуравдугаар бүлгийн гол дүрд тоглоно

2025-05-20,   230

Өмнөд Солонгосын үзэгчдийн дунд өндөр үнэлгээтэй “Yumi’s Cells” драмын гуравдугаар бүлэгт залуу жүжигчин Ким Жэ Вон гол дүрийн эрэгтэйгээр тоглох болсныг өнөөдөр албан ёсоор зарлалаа. “Yumi’s Cells- 3” анхны хоёр бүлэгтээ Юми гэх бүсгүйн хайр, амьдрал, сэтгэл зүйн дотоод ертөнцийн “эс”-үүдийн тулаан, уналт ба сэргэлтийг дүрсэлж, олон сая үзэгчийн сэтгэлийг татсан билээ. Харин шинэ бүлэгт Юмигийн ээлжит хайрын эзэн болох Шин Сүн Рог хэмээх дүрээр Ким Жэ Вон дүр бүтээх юм байна.

Жүжигчин Ким Жэ Вон нь 2001 онд төрсөн, уран бүтээлчийн гараагаа 2021 онд эхлүүлсэн бөгөөд “King the Land”, “Hierarchy”, “Our Blues” зэрэг бүтээлд тоглож байжээ. Тэрбээр уг дүрээр дамжуулан шинэ сорилттой нүүр тулж, илүү гүн гүнзгий сэтгэл хөдлөлийг үзэгчдэд төрүүлэхээр зорьж буйгаа илэрхийлжээ. Драмын продакшны зүгээс “Шин Сүн Рог бол Юмигийн амьдралд тэнцвэр, ухаалаг сэтгэлгээ авчрах нэгэн. Ким Жэ Воны тоглолт энэхүү дүрийн гүн гүнзгий дотоод ертөнцийг оновчтой илэрхийлж чадна гэдэгт бид итгэлтэй байна” хэмээн мэдэгдсэн байна. “Yumi’s Cells” гуравдугаар бүлэг нь 2026 оны эхээр Солонгосын TVING платформоор цацагдах хүлээлттэй байна


Жүжигчин Ким Жэ Вон “Yumi’s Cells” цувралын гуравдугаар бүлгийн гол дүрд тоглоно
АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ergelt.mn хариуцлага хүлээхгүй.

Нийт сэтгэгдэл: 0
Шинэ мэдээ
Нийтлэлчид
Монгол Улс, Улаанбаатар хот, Сүхбаатар дүүрэг, VIII хороо, "Ардын эрх"-ийн байр, Гуравдугаар давхарт Эргэлт.мн редакц
7509-1188
[email protected]
2025 © Зохиогчийн эрх хуулиар хамгаалагдсан. Мэдээлэл хуулбарлах хориотой.