Каннын 78 дахь удаагийн олон улсын кино наадамд Өмнөд Солонгосын охидын хамтлаг "TWICE"-ийн гишүүн Mina Myoui Францын тансаг үнэт эдлэлийн BOUCHERON брэндийн Япон дахь албан ёсны төлөөлөгчийн хувиар уригдан оролцлоо. Тэрбээр тавдугаар сарын 18-нд болсон “The Phoenician Scheme” киноны улаан хивсний ёслолд оролцох үеэрээ тус брэндийн “Rosier Question Mark” нэртэй хүзүүний зүүлт, ээмэг зүүсэн нь олон улсын хэвлэлийн анхаарлыг татав. Түүний даруухан боловч дэгжин төрх, тансаг үнэт эдлэлтэй зохицсон стиль нь Каннын наадмын шилдэг загварлаг оролцогчдын нэгээр нэрлэгджээ.

     Mina 2024 оны наймдугаар сард BOUCHERON-ын Япон дахь нүүр царайгаар сонгогдсон бөгөөд Каннын кино наадамд оролцсон нь энэ үүргийн хүрээн дэх анхны олон улсын арга хэмжээ байсан юм. Тэрбээр мөн кино урлагт эмэгтэйчүүдийн оролцоо, манлайллыг дэмждэг Kering’s Women in Motion нэртэй хүлээн авалтад оролцсон байна. Mina-гийн Каннын улаан хивсэн дээрх оролцоо нь K-pop уран бүтээлчдийн дэлхийн урлаг, загварын наадмуудад улам нөлөөтэй болж байгааг илтгэн харуулсныг уран бүтээлчид онцолж байна.