Хотын дарга Х.Нямбаатарыг Унгар Улс руу туршлага судлахаар 150 хүний бүрэлдэхүүнтэй явсан гэх мэдээлэл бий. Х.Нямбаатар даргыг ямар чиглэлээр туршлага судлахаар явсан талаар НЗДТГ-ын Хэвлэл мэдээллийн албаны мэргэжилтнээс тодрууллаа.

    Тэрбээр “Монгол, Унгар Улсын хооронд дипломат харилцаа тогтоосны 75 жилийн ой болж байгаа. Уг арга хэмжээнд хотын дарга Х.Нямбаатар оролцохоор явсан. Ойн хүрээнд Будапешт хотноо “Улаанбаатарын соёлын өдрүүд”-ийг тавдугаар сарын 10,11-нд зохион байгуулж байгаа. Үүнд Х.Нямбаатар дарга оролцохоор явсан. Туршлага судлахаар явсан гэдэг нь ташаа мэдээлэл. Мөн уг үйл ажиллагаанд 80 гаруй хүн оролцохоор явсан.  “Улаанбаатар хотын соёлын өдрүүд”-ийг зохион байгуулснаар хоёр орны найрсаг харилцааг бэхжүүлэх, хамтын ажиллагааг өргөжүүлэх үр дүнтэй төдийгүй, үндэсний соёлын үнэт зүйлсийг сурталчлах, аялал жуулчлалаас олох эдийн засгийн үр ашгийг нэмэгдүүлэх зэрэг ач холбогдолтой” гэсэн юм.