УИХ-ын гишүүн Б.Пүрэвдорж "Тавантолгой төмөр зам" ТӨХК-ийн үйл ажиллагаатай холбоотой мэдээлэл хийлээ. Энэ үеэр тус компанийн Хяналтын менежер Э.Тамир "Анх энэ компани дээр хүрч ирэхэд Ерөнхий сайд болон Н.Учрал, Шадар сайд Л.Гантөмөр нар надтай уулзаж байсан. Тэгэхдээ "Очоод үнэхээр сайхан ажиллаарай. Болж бүтэх юм бүх юмыг нь гаргаж ирээд тавиарай" гэж хэлсэн. Тухайн үед Засгийн газар Төрийн өмчит компанийн реформын асуудлыг нэлээд хүчтэй ярьж байсан. Хяналтын менежрүүд нь очоод орон тоо чинь ихсээд байна, зардлаа багасгаач гэдэг асуудлыг тавьж байгаа. Ганцхан жишээ хэлэхэд, муурны хоол, муурны цээживч, чипс, шартуулдаггүй кондишн худалдаж авсан байдаг. Одоо харин энэ шалгалтаар олон зүйл ил болох байх. Тэгэхээр үйл ажиллагаагаа явуулаад хоёр жил болж байгаа залуу компанийг зөв голдиролд нь оруулах бидний үүрэг юм" гэв.