Ногоон автобусны гэх хэрэгт холбогдсон А.Ганхуяг нарын 15 хүнд холбогдох эрүүгийн хэргийн шүүх бүрэлдэхүүн шийдвэрээ танилцууллаа. Шүүхээс А.Ганхуягийг албан тушаалын байдлаа ашиглаж бусдад давуу байдал бий болгож, гэмт хэрэгт хатгагчаар хамтран оролцсон гэм буруутай гэж үзэн, хуурч бодит байдлыг нуух замаар бусдыг төөрөгдүүлж, эзэмшигчийн эрхийг шилжүүлэн авах залилах гэмт хэргийн их хэмжээний хохирол учруулсан гэм буруутайд буруутган зургаан жилийн хорих ял оноож, гурван жил нийтийн албанд томилогдох эрхийг хассан байна.