УИХ-ын гишүүн Д.Цогтбаатар сэтгүүлчдэд мэдээлэл өглөө.

Тэрбээр “Хэн бүхэн Улсын дээд шүүхийн шийдвэрийг хүндэтгэх ёстой. Сэтгүүлчид Үндсэн хуулийн зүйл заалтуудыг харж, Үндсэн хуулийн мэргэжлээр ажиллаж байгаа хүмүүсээс мэдээлэл авах хэрэгтэй. Би банкны салбарт 20 гаруй жил ажиллахдаа Хөгжлийн банкны буруутгагдаад байгаа албан тушаалд жил хүрэхгүй хугацаанд ажилласан. Иргэн Д.Цогтбаатар, УИХ-ын гишүүн Д.Цогтбаатар аль нь ч хууль зөрчөөгүй. Миний дээд албан тушаалтан буюу газрын захирал байсан Я.Сод-Эрдэнэ, УИХ-ын гишүүн асан Г.Дөлгөөн зүгээр хоцорсон. Мөн Дээд шүүхээр ороод О.Батбаатар цагаадаад гарсан. Тэгэхээр миний дээд албан тушаалтнуудад нөхцөл байдал өөрөөр үйлчилсэн. Надад нөхцөл байдал өөрөөр үйлчилж байгааг гайхаад Дээд шүүхийн шийдвэрийг хүлээн авч гомдол гаргах материал бүрдүүлэхээр хүлээн авсан. Дээд шүүхийн шийдвэрийг очиж авснаар надад холбогдуулсан хэргийг хүлээн зөвшөөрч байгаа хэрэг биш. Үндсэн хууль зөрчсөн, өргөсөн тангаргаасаа няцсан хүнийг УИХ-ын гишүүнээс нь түдгэлзүүлэх буюу эргэн татдаг. Тэрнээс Үндсэн хуулийг Үндсэн хуулийн Цэц тайлбарлана, бусад хуулийг УДШ тайлбарлана. Дуртай нэг хуульч, сэтгүүлчид нь ямар нэгэн өнцөг гаргаж хууль тайлбарлаад байж болохгүй” гэв.