“Тэнгисийн эрэг дээрх 24/7” нэвтрүүлгийн хоёрдугаар улирлын эхний анги өчигдөр үзэгчдэд хүргэж, оролцогчдоо танилцуулсан. Тус шоуны оролцогч дуучин Amra буюу А.Амаржаргалын онцлох таван уран бүтээлийг хүргэж байна.

         Тэрбээр СЭЗИС-ийг санхүүгийн менежмент мэргэжлээр төгсөж, Япон Улсын Ritsumeikan Asia Pacific University-д магистрын зэрэг хамгаалсан. 2013 оноос Soundcloud дээр ковер дуунуудаа нийтэлж, 2015 онд анхны уран бүтээл “Farewell” дуугаа сонсогчдодоо хүргэсэн билээ. 2020 оны арванхоёрдугаар сард Тайвань Улсын хамгийн том хөгжмийн компани болох “Rock records”-той таван жилийн гэрээ байгуулсан билээ. А.Амаржаргал аялах дуртай. Олон хүний сонсох дуртай “Never” дуугаа Японд байхдаа зохиож байсан бөгөөд анх бүх хэсгийг нь монгол хэлээр зохиож байжээ. Дуугаа ганцаараа байхдаа бичихэд илүү амар байдаг гэнэ.

        Amra хэвлэлд өгсөн ярилцлагадаа “Эмэгтэй хүний амьдралын гол үнэлэмж сайн ээж, сайн эхнэр байснаар битгий хязгаарлагдаасай гэж хүсдэг” гэж байжээ.

      А.Амаржаргалын инстаграм хаяг: amrashk  / 91.4 мянган дагагчтай/

ТҮҮНИЙ ОНЦЛОХ ТАВАН УРАН БҮТЭЭЛ

All Night ft. Panchi, Maexst

Never

Take Me There

Farewell

Free Your Mind