Төв аймгийн замд түргэн тусламжийн машин автобустай мөргөлдөж, зургаан хүн амиа алдсан осол гарчээ. Тодруулбал, цагдаагийн байгууллагад гуравдугаар сарын 11-ний 19:00 цагийн орчимд Төв аймгийн Өндөрширээт сумын “Талын-Уул гэх газарт автомашинууд мөргөлдөж, хүн нас барсан байна” гэх дуудлага ирсэн байна. Дуудлагын дагуу ослын газарт ажиллахад Өндөрширээт сумын нутагт байх Талын-Уул гэх газар буюу Улаанбаатар-Арвайхээр чиглэлийн авто замын 170 дахь километрийн ойролцоо “Toyota Hiace” маркийн автомашин Улаанбаатар-Завхан чиглэлд зорчиж явсан “Kia Grandbird” маркийн том оврын автобустай мөргөлджээ. Ослын улмаас “Hiace” маркийн автомашинд зорчиж байсан таван хүн, жолооч амиа алдаж, хоёр хүүхэд гэмт байна. Одоогийн байдлаар ослыг Төв аймгийн цагдаагийн газраас шалгаж байгаа аж.