Өмнөд Солонгосын алдарт DJ Soda, “Way Back Home” дуугаараа алдаршсан дуучин Shaun нар 2025 оны гуравдугаар сарын 15-нд Улаанбаатар хотын “Аса Арена”-д болох “Energy Party” шоунд оролцоно. Энэ талаар DJ Soda өөрийн албан ёсны цахим хуудсаараа дамжуулан зарлажээ.

“Energy Party” шоуны онцлог:

            • Монгол, Солонгосын шилдэг DJ нарын тоглолт

            • Шинэ үеийн R&B, Hip-Hop уран бүтээлчдийн хамтарсан зургаан цагийн шоу

            • 2025 оны хамгийн том электрон хөгжмийн наадам болно

Өмнөд Солонгосын алдарт DJ Soda 2024 оны долдугаар сард Монголд анх удаа ирж, Архангай аймгийн “АРА Комплекс”-т болсон олон улсын DJ шоунд оролцож байсан. Тэрбээр Монголд ирснийхээ дараа олон нийтийн сүлжээндээ “Одоог хүртэл харж байсан хамгийн үзэсгэлэнтэй байгальтай орон бол Монгол. Би дахин ирэхийг тэсэн ядан хүлээж байна” гэж бичиж байжээ.

Тоглолтын үеэр DJ Soda-ийн хөгжмөөр хөглөгдсөн үзэгчид дунд морьтой залуус бүжиглэж байсан нь онцгой содон үйл явдал болж, цахим сүлжээнд ихээхэн шуугиан тарьж байсан. Шоуны тасалбарыг Shoppy.mn-ээс худалдан авах боломжтой.

Х.Анар