Дуучин Б.Баярцэцэг энэ сарын 7,8-нд “Diva” хэмээх амьд хөгжмийн бие даасан тоглолтоо хийнэ. Тэрбээр өнөөдөр тоглолтын талаар мэдээлэл өгөхөөр хэвлэлийн бага хурал хийсэн билээ. Хэвлэлийн хурлын үеэр тэрбээр “Diva” амьд хөгжмийн бие даасан тоглолтод минь хөгжмийн зохиолч Д.Өлзий-Орших “Би хайрыг мэднэ” шинэ дуугаа анх удаа дуулна. Мөн би өөрийн найман цомгоосоо дуугаа сорчилж дуулна. Олон улсын эмэгтэйчүүдийн эрхийг хамгаалах өдрөөр тоглолтоо хийж байгаа учир эмэгтэйчүүддээ олон бэлэг бэлдсэн. Тэднээс товч дурдвал, “COCCINELLE” брэндийн хоёр цүнхийг онцгой хоёр зочинд бэлэглэнэ. Мөн тоглолтод ирсэн зочид маань шинээр гаргаж буй пянзыг 50 хувь хямдруулан авах боломжтой. Үзэгчдэд зориулж зураг авхуулах ханаа амьд цэцгээр чимэглэнэ” гэв. 

    Харин Ерөнхий зохион байгуулагч, Продюсер Ж.Түвшинжаргал “Манай улсын эмэгтэйчүүд хүчирхэг. Амьдралаа авч яваа олон сайхан бүсгүй бий. Тэдэнд зориулж энэхүү тоглолтоо хийж байгаа. Мөн дуучин Б.Баярцэцэгийг дива гэж нэрлэж болох тоглолтыг нь ийнхүү нэрлэсэн” гэлээ. Мөн “Ерөнхий зохион байгуулагч Д.Цэрэнлхагва “Asa arena” шинэ тайзан дээрх анхны тоглолт болох “Diva” тоглолтын ерөнхий зохион байгуулагчаар “TJ International Producer Center” ажиллаж байна. Тоглолтод зориулан дэлхийн одуудын тоглолтондоо ашигладаг цас, утаа, тоног төхөөрөмжийг авчирсан. Мөн тоглолтын зочин дуучнаар Наагий, “Болор” хамтлагийн дуучин Оргил, Анир поп оркестрын уран бүтээлчид, Limit king, Ice top, МУГЖ Ч.Мөнх-Эрдэнэ нар оролцоно. Энэ тоглолт дуучин Б.Баярцэцэг анхны уран бүтээлээ гаргаснаас 25 жилийн дараа хийж байгаа тоглолт юм. Тоглолтын тасалбарыг https://www.ticket.mn/ худалдана авах боломжтой.