Малчид, иргэд, тээвэрчдэд зориулсан мэдээ: Гуравдугаар 3-нд баруун аймгуудын нутгийн зүүн хэсэг, төвийн аймгуудын ихэнх нутгаар  цас орж, зөөлөн цасан шуурга шуурна.

 2025 оны гуравдугаар  сарын 02-ны 20 цагаас 2025 оны гуравдугаар сарын 03-ны 20 цаг хүртэлх  цаг агаарын урьдчилсан мэдээ

Хур тунадас: Баруун аймгуудын нутгаар солигдмол үүлтэй, бусад нутгаар үүлшинэ. Шөнөдөө баруун аймгуудын нутгийн зүүн, төвийн аймгуудын нутгийн баруун хэсгээр, өдөртөө баруун аймгуудын нутгийн зарим газар, төвийн аймгуудын ихэнх нутаг, зүүн аймгуудын нутгийн баруун хойд хэсгээр цас орж, зөөлөн цасан шуурга шуурна. Бусад нутгаар цас орохгүй.

Салхи: Нутгийн хойд хэсгээр баруун өмнөөс баруун хойш эргэж, бусад нутгаар баруун өмнөөс секундэд 5-10 метр, говь, тал, хээрийн нутгаар секундэд 12-14 метр хүрч ширүүснэ.

Агаарын температур: Шөнөдөө Увс нуурын хотгор, Завхан голын эх, Тэс голын хөндийгөөр -28-33 хэм, Дархадын хотгор, Хүрэнбэлчир орчим, Хангай, Хөвсгөл, Хэнтийн уулархаг нутаг, Идэр, Онон, Улз, Халх голын хөндийгөөр -20-25 хэм, Сэлэнгэ, Хараа, Ерөө, Туул, Тэрэлж, Хэрлэн голын хөндийгөөр -15-20 хэм,  говийн бүс нутгаар -3-8 хэм, бусад нутгаар -9-14 хэм, өдөртөө Увс нуурын хотгор, Завхан голын эх, Тэс голын хөндийгөөр -13-18 хэм, Их нуурууд болон Дархадын хотгор, Хангай, Хөвсгөлийн уулархаг нутаг, Хүрэнбэлчир орчим, Идэр, Эг, Үүр голын хөндийгөөр -5-10 хэм хүйтэн, говийн бүс нутгийн баруун өмнөд хэсгээр +4+9 хэм, цас багатай газар болон говийн бүс нутгийн зүүн хэсгээр 0+5 хэм дулаан, бусад нутгаар +1-4 хэм хүйтэн байна.

УЛААНБААТАР ХОТ ОРЧМООР: Үүлшинэ. Шөнөдөө цас орохгүй. Өдөртөө цас орно. Салхи баруун өмнөөс секундэд 4-9 метр. Шөнөдөө Яармаг-Сонгины орчмоор -16-18 хэм, бусад хэсгээр -10-12 хэм хүйтэн, өдөртөө 0 градус орчим байна.

БАГАНУУР ОРЧМООР: Үүлшинэ. Цас орохгүй. Салхи баруун өмнөөс секундэд 5-10 метр. Шөнөдөө -16-18 хэм, өдөртөө 0-2 хэм хүйтэн байна.

ТЭРЭЛЖ ОРЧМООР: Үүлшинэ. Шөнөдөө цас орохгүй. Өдөртөө цас орно. Салхи баруун өмнөөс секундэд 4-9 метр. Шөнөдөө -18-20 хэм, өдөртөө 0-2 хэм хүйтэн байна.

2025 оны гуравдугаар сарын 04-нөөс гуравдугаар сарын 08-ныг хүртэлх цаг агаарын урьдчилсан төлөв:

Гуравдугаар сарын 4-нд баруун аймгуудын нутгийн зүүн хойд хэсэг, төв, говь, зүүн аймгуудын нутгийн зарим газраар, гуравдугаар сарын 5-нд говийн аймгуудын нутгийн зүүн хэсэг, зүүн аймгуудын нутгийн зарим газраар, гуравдугаар сарын 6-нд Алтай, Хангай, Хөвсгөлийн уулархаг нутгаар,гуравдугаар сарын  7-нд төвийн аймгуудын нутгийн баруун хэсэг, говь болон зүүн аймгуудын нутгийн зарим газраар цас орж, зөөлөн цасан шуурга шуурна. Салхи ихэнх хугацаанд секундэд 5-10 метр, 4-нд говь, тал, хээрийн нутгаар секундэд 13-15 метр хүрч ширүүсэж, явган шуурга шуурна. Увс нуурын хотгор, Завхан голын эх, Хүрэнбэлчир орчим, Идэр, Тэс, Ерөө голын хөндийгөөр шөнөдөө -28-33 хэм, өдөртөө -15-20 хэм, Монгол-Алтай, Хангай, Хөвсгөл, Хэнтийн уулархаг нутаг, Эг, Үүр, Орхон, Сэлэнгэ, Хараа, Тэрэлж, Хэрлэн голын хөндийгөөр шөнөдөө -21-26 хэм, өдөртөө -8-13 хэм, говийн бүс нутгийн өмнөд хэсэг, цас багатай газраар шөнөдөө -4-9 хэм хүйтэн, өдөртөө +1+6 хэм дулаан, бусад нутгаар шөнөдөө -13-18 хэм, өдөртөө 0-5 хэм хүйтэн байна.