“Орфей” театрын хамт олон Хятадын нэрт зохиолч Үй Хуагийн “Амьдрахуй” туужаас сэдэвлэсэн ижил нэрт драмын жүжгийг 2024 онд үзэгчдэд хүргэсэн билээ. Нийт 15 мянган үзэгчдэд хүрсэн тус жүжгийг олон улсын франчайз эрхээр ОХУ-ын БНТУ-ын Кызыл хотын үндэсний их театр худалдан авахаар болжээ.

Тус ажлаар“Орфей” театрын захирал, продюсер Т.Ариунчимэг, найруулагч М.Батболд нар ОХУ-ын Бүгд найрамдах Тува улсад зочлон Соёлын сайд Чигжит.В.С -тэй уулзан хамтран ажиллахаар болж, Кызыл хотын үндэсний их театртай хэлэлцээр хийсэн байна.

Олон улсад франчайз эрхтэйгээр зарагдах болсон Монголын анхны тайзны бүтээл болох “Амьдрахуй” драмын жүжиг нь Дэлхийн театрын өдөр буюу 2025 оны гуравдугаар сарын 27-ноос тайзнаа дахин тавигдах гэж байгаа юм.