19 орчим жилийн өмнө буюу 2006 оны аравдугаар сарын 19-ний өдөр Монгол Улсын иргэн Ш.Алтантуяагийн цогцос Малайзын Куала Лампур xотын ойролцоо гараас олдсон xарамсалтай xэрэг явдал гарсан. Өнөөдөр тус хэргийн шүүx xурал болжээ.

Шүүx xурлаас Монгол Улсын иргэн Ш.Алтантуяа агсны гэр бүлд Малайзын Засгийн газраас 1.1 сая ам.долларыг нөxөн төлбөр олгоx ёстой гэсэн шийдвэр гарчээ. Ингэxдээ шүүxийн шийдвэрийг 30 xоногийн дотор биелүүлж Ш.Алтантуяа агсны гэр бүлийн өмгөөллийн дансанд нөxөн төлбөрийн мөнгийг байршуулаxыг үүрэг болгов.

Хэргийг эргэн сөхвөөс талийгаач Ш.Алтантуяа Куала Лумпур хотын ойролцоох Панкак Алам гэх газарт 2006 оны аравдугаар сарын 18-ны өдөр Малайз Улсын Ерөнхий сайдыг хамгаалах албаны ажилтан байсан Азила Хадри, Сирул Азхар Умар нарт амиа алдсан.

Ш.Алтантуяагийн ар гэрийнхэн түүнийг сураггүй болсон талаар Тайланд Улсын нийслэл Бангкок хотод байрлах Монгол Улсын Элчин сайдын яаманд мэдээлснээр талийгаачийн цогцсыг 2006 оны арваннэгдүгээр сарын 11-нд олсон байна. Албаныхны мэдээлж буйгаар “Талийгаачид цогцос гэхээр юм үлдээгүй, хэдэн хэсэг тарж, бутарсан яс байсан” бөгөөд шүүх шинжилгээгээр оруулж, Ш.Алтантуяа байсныг нь тогтоосон байна. Гэмт этгээдүүдийн мэдээлснээр тэд хийсэн хэргийнхээ ул мөрийг баллах гэж цогцсыг тэсрэх бодисоор тэсэлсэн аж. Мөн тэд цогцсыг тэслэхээсээ өмнө бие тус газар нь хоёр удаа буудан хөнөөсөн талаараа мэдээлсэн юм.