Хууль зүй, дотоод хэргийн сайд О.Алтангэрэл угаартаж нас барсан зургааны хүний талаарх хувийн мэдээлэл олон нийтэд цацагдсантай холбоотой мэдээлэл өглөө. Тэрбээр “Хууль зүй, дотоод хэргийн яам, Эрчим хүчний яам, Нийслэлийн агаарын чанар, түлшний чанар хариуцсан мэргэжилтэн, цагдаагийн байгууллагын олон нийтийн байцаагч, БГД-ийн хорооны ажилтан зэрэг олон хүнтэй групп чатад хохирогчдын талаарх мэдээлэл мэргэжилтнүүдээс ирж байсан. Иргэн Б нь тус мэдээллийг нэгтгэж боловсруулаад, олон нийтэд цацсан болох нь урьдчилсан байдлаар тогтоогдсон. Түүнийг дөрвөн хүний хамт хэрэг үүсгэн шалгаж байгаа.  Тухайлбал, хэргийн газар үзлэг шалгалт хийсэн, утаа мэдрэгч суурилуулсан зэрэг мэдээлэл цагдаагийн байгууллагаас, бусад мэдээлэлийг мэргэжилтнүүдийн групп чатнаас нэгтгэж, олон нийтэд түгээсэн байна” гэв.