ЦХИХХ-ны сайд Ц.Баатархүү цаг үеийн асуудлаар мэдээлэл хийлээ. Монгол Улсын дата өгөгдөл, хиймэл оюун ухааны үндэсний статистик,  хиймэл оюуны эрх зүйн акт, дата өгөгдлийн үндэсний статистикийн талаар мэдээлэл өглөө.

Тодруулбал, Ц.Баатархүү “Дэлхийд 60 улс хиймэл оюун ухааныг хэрэглэх эрх зүйн зохицуулалт хийж дуусгасан байна. Бид хиймэл оюун ухааныг бүх салбарт нэвтрүүлэх талаар ярьж байна. Иймд Монгол Улс бүх салбар чиглэлд хиймэл оюун ухааныг хэрэглэх эрх зүйн зохицуулалт шаардлагатай болсон. Хоёрдугаар сарын 13-нд салбарын бүх судлаачийг хамарсан статистикаар томьёолсон хэлэлцүүлэг хийнэ. Үүний дараа Засгийн газраар хиймэл оюун ухааны статистикийг батална. Мөн дата мэдээллийг хэрэглэх, эргэлтэд оруулах статистик батлан гаргана” гэлээ.

Хиймэл оюуныг батлахтай холбогдуулан ЦХИХХЯ-наас бэлдсэн 10 ажлыг танилцуулж байна.

1. Монгол Улс 2025 онд 5G үүрэн холбооны сүлжээг орно даяар нэвтрүүлнэ.

2. Олон улсын стандартад нийцсэн Tier-4 шаардлага хангасан дата төв байгуулна.

3. E-Mongolia  академи хиймэл оюун ухаанд суурилсан төрийн үйлчилгээний агент байгуулна.

4. Эрүүл мэнд, иргэний бүртгэл, газрын бүртгэл, шүүхийн мэдээлэлд блокчейн технологийг нэвтрүүлнэ.

5. Худал мэдээлэлтэй тэмцэх төв байгуулна.

6. Мэргэжилтнүүд бэлтгэнэ.

7. Тоон гарын үсгийг хэрэглээнд нэвтрүүлнэ.

8. Хиймэл дагуулын бодлого, зохицуулалтыг тодорхойлж, сансрын эдийн засгийн суурь тавина

9. Дроны нислэгийн туршилтын олон улсын бүс, операторын сургалтын төв байгуулж, мэргэшүүлэх тогтолцоог бий болгоно.

10. Инновацтай гарааны бизнесүүдийг дэмжих хөрөнгө оруулалтын үндэсний сан байгуулах ажлыг эхлүүлж, дижитал эдийн засгийг хөгжүүлнэ.