“Монголын морин спорт, уяачдын холбоо” Засгийн газрын өвөл, хаврын морин уралдаанд 18-аас доош насны унаач хүүхдийг оролцуулахгүй байх шийдвэртэй холбоотойгоор мэдээлэл өглөө.

ММСУХ “2025 оны нэгдүгээр сарын 29-ний өдөр Засгийн газрын хуралдааны дараа хэвлэлийн бага хурал хийсэн. Хуралд хурдан морины уралдааны зам засах, уралдаанч хүүхдийн аюулгүй байдлыг хангах, цаг агаарын тааламжтай нөхцөл харгалзан 12-оос дээш насны хүүхдээр унуулах талаар мэдээлэл өгсөн. Харин 2025 оны нэгдүгээр сарын 29-ний 41 дүгээр  тоот тогтоолд 18-аас дээш насны хүн хурдан морины уралдаанд оролцох шийдвэр гарсан. ММСУХ зүгээс “18-с дээш насны хүн унасан хурдан морины ямар ч уралдаан зохион байгуулахгүй” гэдгийг албан ёсоор мэдэгдэж байна. Манай холбооны зүгээс 21 аймаг, нийслэлд тус шийдвэрийг хэрэгжүүлнэ” гэв.