БНСУ-ын Mamamoo хамтлагийн гишүүн Hwasa болон реппер Kisum, Uka, Mrs.M, Magnet brain, Nene, Mvchi, Babynna, Namone тэргүүтэй уран бүтээлчдийн хамтарсан “Rosedust” тоглолт хоёрдугаар сарын 15-нд “Steppe Arena”-д болох билээ. Тус тоглолтод хүрэлцэн ирэх Mamamoo хамтлагийн дуучин Hwasa-гийн талаарх сонирхолтой баримтуудыг хүргэж байна.

         Hwasa буюу Ан Хе Жин 1995 оны долдугаар сарын 23-нд төрсөн, арслангийн орд. БНСУ-ын дуучин ая зохиогч бөгөөд 2014 онд Mamamoo охидын хамтлагийн гишүүн болж дебют хийжээ. Гадаад үзэмжээсээ болж дуучин болох шалгаруулалтад тэнцээгүй тэрбээр Beyonce-гийн дуунуудыг сонсоод уран бүтээлч болохоор шийдэн “Би энэ цаг үеийн гоо сайхны стандартад нийцэхгүй юм бол өөрөө шинэ стандарт нь болно” хэмээн  Сөүл хотод очин бэлтгэгдэгч болжээ.

Түүний инстаграм хуудас 8.8 сая дагагчтай.  _mariahwasa

Түүний гаргасан амжилтуудаас дурдвал:

• 2019 онд анхны соло дуу болох “Twit” нь Circle Digital Chart-ийг тэргүүлж, Gaon Chart Music Awards-аас оны шилдэг дуугаар шалгарсан.
• 2018 онд Gallup Korea-аас жил бүр гаргадаг судалгаагаар хамгийн алдартай К-поп шүтээний 16 дугаар байр, 2019 онд 9 дүгээр байрт тус тус орж байв.
• Hwasa 2019 онд Korea Power Celebrity 40 жагсаалтад 26 дугаар байрт орсон байдаг.
• 2020 онд "Refund Sisters" хамтлагийн гишүүн болж "Don't Touch Me" дуугаараа дебютээ хийсэн нь Өмнөд Солонгост нэгдүгээрт бичигджээ.
• 2020 оны Youtube-н дэлхийн шилдэг 100 kpop шүтээнүүдийн хайлтын есдүгээрт жагссан.
• 2021 онд Форбс сэтгүүлээс гаргасан “30 Under 30 Asia” жагсаалтад багтсан.
• 2021 онд  "Мариа" дуугаа гаргасан нь солонгостоо тавдугаарт жагссан бол Гаон чартын хоёрдугаарт бичигдэж, Алтан диск болон Mnet Азийн хөгжмийн шагналыг хүртжээ.
• 2023 онд Хваса RBW-ээс гарч P Nation-тэй гэрээ байгуулж "I Love My Body" хэмээх хоёр дахь цомгоо гаргасан нь АНУ-ын Circle Digital Chart болон Billboard-ийн эхний аравт багтжээ.
• Dior, La Perla, Miu Miu, Fendi, Balmain, John Hardy, Dolce & Gabbana, Alexander Wang, Bottega, Veneta, Givenchy, Burberry зэрэг алдартай брэндүүдтэй хамтран ажиллаж байсан.

Adidas, Sims 4, North Face зэрэг брэндийн нүүр царайгаар ажиллаж байсан.

Түүний талаарх зарим сонирхолтой баримтууд:

• Тэрбээр 162 см өндөр, 44 кг жинтэй.
• 2021 оны долдугаар сарын 23-нд өөрийн YouTube суваг болох "Hwasa Official"-ыг нээж, анхны видеогоо нийтэлсэн. Одоогийн байдлаар 1.54сая дагагчтай. @HWASA_maria
• Айлын бага ба хоёр эгчтэй.
• Тэжээвэр амьтантай болохыг хүсдэг ч харшилтай учраас чаддаггүй
• “Maria”дууны нэр нь түүний адислагдсан нэр бөгөөд мөн хүзүүнийхээ ард Maria гэсэн шивээстэй.

Hwasa-н онцлох таван дуу

I Love My Body'

 Maria

 TWIT

Don't

NA

Г.АЗЖАРГАЛ