Цагдаагийн албан хаагчийг мөргөж, зугтсан этгээдийн талаар УСА-ны ХМОНХХ-ийн чиглэлийн ахлах мэргэжилтэн, цагдаагийн хошууч С.Баярбилэг мэдээлэл өглөө. Тэрбээр “Согтууруулах ундааны зүйл хэрэглэсэн тээврийн хэрэгслийн жолооч цагдаагийн албан хаагчийг мөргөөд зугтсан хэрэг өчигдөр бүртгэгдсэн. Үүргээ гүйцэтгэж байгаа албан хаагчийг мөргөж, зугтсан хэрэг нь  Зөрчлийн гэмт хэрэг болно. Тэгэхээр үүрэг гүйцэтгэж байгаа алба хаагчдын шаардлагыг биелүүлэх үүрэгтэй гэдгийг иргэдэд дахин сануулмаар байна. Тус хэргийн шалгалтын ажиллагаа үргэлжилж байгаа учир дэлгэрэнгүй мэдээлэл өгөх боломжгүй. Эрүүгийн хуулийн 23.1 дэх зүйл дээр хууль сахиулагчийн хууль ёсны шаардлагыг эсэргүүцсэн, хүч хэрэглэсэн гэх гэмт хэргийн бүрэлдэхүүн заасан. Энэ хуулийн хүрээнд торгох, зөрчих эрхийг хязгаарлах, 6 сараас гурван жил хүртэл хорих ялтай байдаг” гэв.