Өвөрхангай аймгийн Арвайхээр сумын Өлзийт багт "Гэр шатаж байна" гэсэн дуудлага тус аймгийн Онцгой байдлын газарт өчигдөр 15:58 цагт иржээ. Дуудлагын дагуу  аймгийн Онцгой байдлын газрын 12 дугаар ангийн алба хаагчдыг очиход иргэн Н-ийн таван ханатай гэр, 5х6 метрийн хэмжээтэй зуны байшин тус тус шатаж байсныг ажиллаж унтраасан байна. Энэхүү галын улмаас 79 настай иргэн эмэгтэй өртөж нас барсан харамсалтай хэрэг гарчээ. Улмаар албан хаагчид иргэний цогцсыг аймгийн Цагдаагийн газарт шилжүүлэн өгсөн байна.