Өнөөдөр олон улсын инээдмийн баяр тохиож байна. Зарим улсад энэхүү өдрийн тэнэгүүдийн баяр хэмээн нэрлэх нь бий. Хөгжилтэй хошигнол, нэгнийгээ чадаж, инээлгэдэг энэхүү өдрийн яагаад тэмдэглэдэг болсон талаарх баттай мэдээлэл байдаггүй байна.

       Сонирхуулахад,Монгол Улсад 2024 оны дөрөвдүгээр сарын 1-ний өдрийн байдлаар Инээмсэглэл нэртэй дөрөв, Баярлах нэртэй 128, Инээ нэртэй нэг хүн байдаг аж.

       Инээдмийн баярыг улс орон бүрд янз бүрээр тэмдэглэн өнгөрүүлдэг. Франц Улсад энэ өдрийг шинэ он угтах баярыг хойшлуулсантай холбоотой хэмээн үзэж шинэ оны баяр болгон тэмдэглэдэг. Харин Европын ихэнх оронд тэнэгүүдийн өдөр гэдэг. Энэ нь бие биеэ хуурч мэхлэх ба мэхлэгдсэн нэг нь тэнэгийн тоонд ордогтой холбоотой аж. Америк болон Их Британид XVIII зуунаас хуурдаг өдөр хэмээн тэмдэглэж иржээ. Эртний Ромд энэ өдөр Инээдмийн бурхныг залж байсан түүхтэй. Италид цаасаар төрөл бүрийн загас хийж бусдын нуруун дээр мэдэгдэлгүй зүүдэг даажигнал түгээмэл байдаг.