Эрүүл мэндийн яамны хурлын үеэр Шуурхай штабын дарга Б.Ууганбаяр холбогдох мэдээллийг өглөө.

Тэрбээр “Өнөөдрийн байдлаар нийслэлд 17, орон нутагт 16 тусгаарлах  байранд нийт 1.169 иргэн тусгаарлагдаж байна. Гэрийн ажиглалтад 228 иргэн,гэрийн ажиглалтын хугацаа дуусаад хэвийн байдалд шилжсэн 10.148 иргэн байгаа. Мөн Франкфуртаас эхлэн иргэдийг татан авах ажлыг явуулахаар зохион байгуулж байна. Энэ сардаа багтаад дөрвөн удаагийн нислэгээр 700 гаруй иргэн Монгол Улсдаа ирнэ. Хуваарийг нь гаргаж, баталсан бөгөөд иргэдийг 14 хоног тусгаарлана" гэв. 

Өндөржүүлсэн бэлэн байдлын шилжсэн гээд амны хаалтаа авч, олон нийтийн газар бөөгнөрөл үүсгэж болохгүй. Иргэд тайвшрах цаг хараахан болоогүй. ААН-үүдэд халдвар хамгааллын дэглэм сахих түр журмыг хүргүүлсэн тул журмын хэрэгжилтэд онцгой анхаарч ажиллах хэрэгтэй гэдгийг онцоллоо.