Монголын гадаад худалдааны үндэсний мэдээллийн санд 400 гаруй мэдээллийг монгол, англи хэлээр байршуулснаар нэг цонхноос шуурхай мэдээлэл авах боломжтой боллоо. Өнөөдрийн байдлаар Монголын гадаад худалдааны үндэсний мэдээллийн www.mongoliatradeportal.gov.mn санд гадаад худалдааны үйл ажиллагааг зохицуулсан.

Монгол Улсын Гаалийн ерөнхий газар нь худалдааг хөнгөвчлөх үйл ажиллагааг олон улсын жишигт хүргэх, хэлэлцээрийн хэрэгжилтийг хангах зорилгоор Олон Улсын Санхүүгийн Корпорацтай хамтран “Гадаад худалдааны мэдээллийн нэгдсэн сан”-г энэ сард ашиглалтад оруулсан юм. Уг мэдээллийн сан нь аж ахуйн нэгж, иргэд гадаад худалдааны хууль эрх зүйн баримт бичиг, Гаалийн болон бусад татварын чөлөөлөлт, Монгол Улсын хилээр нэвтрүүлэхийг хориглосон, хязгаарласан барааны жагсаалт, гол нэрийн барааны гадаад худалдааны статистик мэдээллийг нэрээр хайх, ГЕГ-аас олгож байгаа цахим лавлагаа, тусгай зөвшөөрөл зэрэг мэдээ, мэдээллийг энгийн, ойлгомжтой байдлаар хурдан, шуурхай нэг цонхноос авах боломж бүрдээд байна. Дэлхийн худалдааны байгууллагын “Худалдааг хөнгөвчлөх хэлэлцээр” 2017 онд хэрэгжиж эхэлснээр уг хэлэлцээрт нэгдэн орсон улс орон бүр худалдааг хөнгөвчлөх чиглэлээр онцгой анхаарал хандуулж байгаа бөгөөд гаалийн байгууллага нь уг хэлэлцээрийн хэрэгжилтэд голлох үүрэг гүйцэтгэдэг.